Openheitslova
Hardanger Fjordfrukt SA skal forvalte verksemda si på ein slik måte at leverandørar, partnarar og kundar kan ha tillit til bedrifta og produsentane. Det er forventa at leverandørar og partnarar følgjer etiske standardar som samsvarar med dei etiske krava til Hardanger Fjordfrukt SA. (sjå rutine H-10.2)
Hardanger Fjordfrukt SA har etter denne lova plikt til å gjennomføre aktsomheitsvurderingar og gjere greie for desse. Føremålet med lova er å fremje verksemder si respekt for grunnleggjande menneskerettar og anstendige arbeidsforhold i samband med produksjon av varer og levering av tenester, og sikre allmenta tilgang til informasjon om korleis verksemder handterer negative konsekvensar for grunnleggjande menneskerettar og anstendige arbeidsforhold.
Risikobasert og kontinuerleg prosess
Hardanger Fjordfrukt SA byggjer prosessen vår for aktsomheitsvurderingar på OECD sin rettleiar for aktsomheitsvurderingar for ansvarleg næringsliv.
Aktsomheitsvurderinga
Forankre ansvar i retningslinjer og styringssystem
Hardanger Fjordfrukt SA gjennomfører aktsomheitsvurderingar som ein del av leiinga si årlege gjennomgang. Prosedyrar for dette er inkluderte i kvalitetssystemet til Hardanger Fjordfrukt SA. Aktsomheitsvurderinga blir presentert for og forankra i styret i Hardanger Fjordfrukt SA. Det er òg utarbeidd administrative prosedyrar for handtering av førespurnader med informasjonskrav, i tråd med fristane i lova
Kartlegg og vurder negativ påverknad/skade
Openheitslova definerer anstendige arbeidsforhold med utgangspunkt i FNs konvensjon om økonomiske, sosiale og kulturelle rettar frå 1966, FNs konvensjon om sivile og politiske rettar frå 1966, og ILOs kjernekonvensjonar om grunnleggjande rettar og prinsipp i arbeidslivet. Anstendige arbeidsforhold omfattar òg helse, miljø og tryggleik på arbeidsplassen, inkludert ei løn å leve av.
Produsentane til Hardanger Fjordfrukt SA har all si verksemd i Noreg. I tråd med Hardanger Fjordfrukt SAs etiske retningslinjer skal medlemmar og leverandørar til Hardanger Fjordfrukt SA følgje norske lover og reglar i si forretningsdrift. Verksemda til produsenten skal i samsvar med gjeldande lover og reglar ha system for HMS, minsteløn osv. . Arbeidarane i verksemda skal ha full organisasjonsfridom.
Hardanger Fjordfrukt SA brukar informasjon om produsentane våre – tileigna mellom anna gjennom eigen kontakt, interne og eksterne revisjonar, eigne varslingsrutinar m.m. – som grunnlag for kartlegging og risikovurdering. Det er utarbeidd prosedyrar for oppfølging av avvik.
Hardanger Fjordfrukt SA har ikkje avdekt nokon faktiske negative konsekvensar eller vesentleg risiko for negative konsekvensar for grunnleggjande menneskerettar og anstendige arbeidsforhold gjennom våre aktsomheitsvurderingar.
3. Stanse, førebyggje eller redusere negativ påverknad/skade
Hardanger Fjordfrukt SA skal aktivt førebyggje, redusere eller stanse brot på menneskerettar og arbeidsrettar. Dersom ei aktsomheitsvurdering avdekkjer behov for risikoreduserande tiltak, vil det bli vurdert kva tiltak som er eigna, basert på type risiko og Hardanger Fjordfrukt SAs moglegheit for påverknad i det enkelte tilfellet.
4. Overvake gjennomføring og resultat
Dersom ei aktsomheitsvurdering fører til at risikoreduserande tiltak blir sette i verk, vil desse bli følgde opp, til dømes gjennom planar og tilsyn/revisjon.
5. Kommunisere
Hardanger Fjordfrukt SA skal rapportere og kommunisere ærleg om arbeidet med aktsomheitsvurderingar på HardangerFjordfruktSA.no og gjennom ordinær årleg verksemdsrapportering. Ved eventuelle brot/avvik, vil Hardanger Fjordfrukt SA ha ein direkte dialog med dei som er omfatta av det enkelte tilfellet. Hardanger Fjordfrukt SA skal svare på spørsmål og førespurnader i tråd med fristene fastsette i Openheitslova.
6. Rette opp
Dersom det oppstår avvik i eiga verksemd, vil Hardanger Fjordfrukt SA sjølv rette opp i dette. Elles vil vi bruke vår påverknad og regelverk til å bidra til at avvik avdekte andre stader i verdikjeda blir retta opp i.
Anna arbeid
Sjølv om Hardanger Fjordfrukt SA gjennom eigne aktsomheitsvurderingar ikkje har avdekt nokon risikoar som krev tiltak i samsvar med Openheitslova, arbeider Hardanger Fjordfrukt SA kontinuerleg opp mot leverandørane for å sikre gode arbeidsvilkår, i tråd med mellom anna Arbeidsmiljølova:
1. Alle produsentar og leverandørar skal ha KSL eller anna kvalitetssystem ved levering av varer til og gjennom Hardanger Fjordfrukt SA
2. Alle produsentar med arbeidsgjevaransvar må gjennomføre arbeidsgjevarkurs.
Det blir jamleg sendt ut informasjon om HMS, løns- og arbeidsvilkår i Hardanger Fjordfrukt SA og Gartnerhallen SAs kommunikasjonskanalar.
3. Nye leverandørar vert kartlagt i høve til oppdatert sjekkliste som dekker krava i Openhetslova. Eksisterande leverandørar vert vurdert ( i følgje sjekkeliste) og ved mistanke, vert dokumentasjon etterspurt.